Mroveli In The Hip-Hop World

ბოლო ორი თვეა სერიოზულად ჩავუჯექი underground hip-hop-ს. ადრე ბევრ მუსიკალურ ჟანრს ჩავმუღამებულვარ, მაგრამ ჰიპ-ჰოპმა სულ სხვანაირად ჩამითრია. 24/7 სხვადასხვა პროდუსერებს,MC-ებს და DJ-ეებს ვუსმენ. სულ სხვა სამყაროა, სხვა ვნებები, ისტორიები და რაც მთავარია შეგრძნებები.
კარგი მეტალი ჩემში ყოველთვის უმართავ ენერგიას იწვევს, ჰიპ-ჰოპს კი პირიქით, საღი და შემოქმედებითი შეგრძნებები მოაქვს.. მშვენიერია მუშაობა როცა პლანისგან იოგებ დაგლეჯილი MC მძიმე ბითების და ჯაზ სემპლების ფონზე ძალიან მჟავე, გაწელილ და მონოტურ რეჩიტატივს კითხულობს, თან ისე რომ გგონია, წამი-წამზე სუნთქვა შეკრული დაენარცხება, მაგრამ ტრეკი მშვიდობიანად მთავრდება და ახალი იწყება, სხვა ისტორია, სხვა მოწვეული MC, სხვა ვნება და შეგრძნებების სულ სხვა ტალღა.
რა თქმა უნდა ჰიპ-ჰოპის ღრმა ცოდნაზე ჯერჯერობით თავს ვერ დავდებ, მაგრამ შემიძლია თამამად ვთქვა რომ ბრუკლინური და west ლონდონური underground სცენა საკმაოდ ღრმად შევისწავლე. მიმიქარავს ტრიგონომეტრიული განტოლება, პროდიუსერები და MC-ები ისე არიან სხვადასხვა ჯგუფებში, პროექტებში და კლანებში აზელილები რომ ორი თუ სამი ღამე დამჭირდა ყველა მათგანის სოლო და ჯგუფურ დისკოგრაფიებში რომ გავრკვეულიყავი. ეხლა ვზივარ და მათ შემოქმედებას მეთოდურად ვსწავლობ. ბევრი ხლამია, ბევრიც ისეთია ხელებს რომ მოგაფშვნეტინებს. ხშირად უცნაურობებსაც ვაწყდები. მაგალითად სამხრეთ აფრიკელი სელებრითი ჯაზმენების ქალიშვილი Jean Grae დუეტებში საოცრებებს აკეთებს, უკვე სამ სხვადასხვა პროექტში შემხვდა როგორც მოწვეული MC და ლამის ტაში დავუკარი, მაგრამ სოლნიკებში სრული მძღრენია. ხუთი სოლო ალბომიდან სამს უკვე საფუძვლიანდ მოვუსმინე და მაქსიმუმ რვა ტრეკს თუ გავიხსენებ ისეთს, რომელმაც თავი არ მომაბეზრა. სამაგიეროდ ეს გოგო პირდაპირ ფხრიწავს Brooklyn Academy-ს და Immortal Techniques-ს ცალკეულ კომპოზიციებში.
საუბრის ცალკე თემაა Ill Bill, Sicknature, DJ Mugs, & DJ Illegal. ამ ადამიანებს უფრო საფუძვლიანად და გემრიელად, თავისი ექსკლუზიური ინტერვიუებით და ჩახუტებებით დღე-დღეზე რომ უნდა ამოიქოქოს იმ პროექტში გაგაცნობთ.
ბოლოს, პატარა ლირიული გადახვევა – ამბობენ. რეპერები პირქუში, ”მორფიანი პაპიროსებისგან” დაქლიავებული და”ფიშტოიანი” ხალხიაო. მიუხედავად ამ სტერეოტიპისა (რაც სიმართლისგან ძალიანაც შორს არ არის). ისინი საკმაოდ კომუნიკაბელური და გულღია ადამიანები აღმოჩნდნენ. myspace-ის საშუალებით სულ ადვილად გამოვიდა მათთან ურთიერობის აწყობა.